BRIKENA , zedhenesja “top-modele”

E kemi parë gjithmonë, madje

shumë shpesh kohët e fundit tek

sa del para mediave për të bërë

njoftimin përkatës për shtyp.

Është fjala për zëdhënësen e Ministrisë

së Arsimit Brikena Kollcinaku, së cilës

kamera duket se i shkakton një efekt të

veçantë. Nëse të gjitha zëdhënëset e

tjera mundohen të paraqiten sa më të

rregullta dhe serioze para mediave, në

orarin që u është caktuar për të bërë

një njoftim për shtyp, për Brikenën është

krejt ndryshe. Modele të flokëvë që

asnjë ditë nuk i sheh njësoj, veshje ekstravagante

dhe një ‘buzëqeshje’ që i

jep publikut nëpërmjet shikimit. Të

gjithë arrijnë ta vënë re qëndrimin ndryshe

dhe ndoshta kjo lidhet dhe me pasionin

e vërtetë që zëdhënësja ka: të

bëjë modelen. Dhe në fakt, e ka ushtruar

një gjë të tillë në disa emisione

televizive por edhe në sajë edhe të shkollës

që ka kryer, ‘Akademinë e Arteve

të Bukura’. Ndoshta kjo i pëlqen mjaft

Brikenës, por do të bënte mirë që këto

dhunti të mos i tregonte gjatë përcjelljes

së lajmit të fundit që vjen nga dikasteri

në të cilin është e punësuar.

MUÇ NANO “piktura” levizese e Edi Rames

E vetmja “pikturë” e Edi Ramës që merr

frymë, lëviz e shkruan është Mustafa

Nano. Të na ndjejë për sinonimin që

përdorëm por mënyra sesi vishet Muçi

është tipike me mënyrën që Rama zgjodhi të lyejë

pallatet në Tiranë. Ngjyra të ndezura pa pikë

kombinimi me njëra tjetrën siç mund të jetë lejlaja

me të kaftën, thyer me çorape të verdha e pantallona

të kuqe, të kyccura të gjitha nën një xhup

jeshil të errët dhe një kapucc leshi ngjyrë e zezë

në kokë. Lodhesh të lexosh gjithë këtë fjali e jo

më të shohësh Muç Nanon të veshur me kaq

sqimë.

Vetëvarja e 17-vjeçarit, nxënësit protestë kundër drejtorit

Devoll- Vetëvarja e 17-vjeçarit, Mikel Ajce, gjimnazistit të përjashtuar dy ditë më parë nga shkolla, ka shkaktuar një protestë të nxënësve të shkollës së mesme në qytetin e Bilishtit. Kanë qenë shokët dhe shoqet e tij të shkollës, të cilët kanë vendosur të mos hyjnë gjatë të premtes në klasat e tyre për të protestuar kundër drejtorit të kësaj shkolle.***

Mikel Ajce, nxënës në gjimnazin “Fuat Babani”, të qytetit të Bilishtit është përjashtuar nga shkolla, ndërsa nuk ka mundur të durojë dot këtë situatë, duke zgjedhur një mënyrë ekstreme. Një konflikt në klasë me një vajzë, gjatë një zënke adoleshentësh, duket se ka çuar në përjashtimin e gjimnazistit tashmë të vdekur. Pasi janë njoftuar prindërit dhe i është dhënë e drejta e ankimimit, të riut i është komunikuar përjashtimi nga shkolla, lajm që nuk është pritur aspak mirë nga 17-vjeçari. Më pas i dëshpëruar, Mikeli ka vendosur të shkruajë një letër, të cilën ua ka drejtuar prindërve të tij. “Nuk kisha rrugë tjetër ndaj vendosa të zgjedh rrugën e vdekjes. Nuk mund ta duroja përjashtimin e padrejtë. Në varrimin tim nuk dua të jetë drejtori i shkollës, por dhe as mësuesit.” Kaq ka thënë në mënyrë të përmbledhur 17-vjeçari Ajce, i cili më pas me një litar ka vendosur t’i japë fund jetës.

***

Mëngjesin e djeshëm, gjimnazistët e Bilishtit kanë dalë në protestë duke refuzuar të hyjnë dhe në klasat e tyre, ndërsa kërkesa kryesore ka qenë largimi i drejtorit të shkollës, për shkak të përjashtimit arbitrar nga shkolla të shokut të tyre. Vendim që ka nxitur në fundin tragjik të të riut i vetëvarur vetëm disa orë pas këtij vendimi. Ndërkaq nxënësit kanë treguar se shoku i tyre është larguar padrejtësisht nga shkolla pas një incidenti të ndodhur në klasë me një vajzë, e cila ishte goditur me stilolaps nga djali. Drejtori i shkollës ndaj të cilit janë ngritur pjesa më e madhe e nxënësve që mësojnë në të ka treguar për gazetën se përjashtimi i 17-vjeçarit nuk është arbitrar. Alfred Mulla është shprehur nëpërmjet telefonit se ndiente keqardhje si prind dhe mësues për vdekjen tragjike të Mikeel Ajces, por sipas tij përjashtimi është bërë kolegjial, pas një vendimi konform të gjitha rregullave. Madje ai sqaron se fëmijës dhe prindërve të tij iu është dhënë shansi të ankimohen për të rifituar të drejtën e të kthyerit në shkollë.

Luan Krasniqi drejt titullit të WBA së

Boksieri shqiptar klasifikohet në vendin e 15-të të versionit WBA, çka i krijon mundësinë e një dueli për titullGjithçka duket se është në rrugën e mbarë për boksierin Luan Krasniqi për të realizuar ëndrrën e tij drejt titullit botëror. Versioni që forcon këtë mundësi është ai i organizatës WBA (World Boxing Accociation). Ky i fundit në renditjen më të re të rang-listës botërore e ka renditur boksierin Luan Krasniqi në vendin 15-të. Me këtë klasifikim Luan Krasniqi i afrohet shumë titullit të botës pasi ai tashmë fiton të drejtën për të sfiduar këtë titull. Këtë e konfirmon edhe klubi i tij. Siç duket, klubi i tij, Universum Box Promotion, e ka planifikuar tashmë duelin për Krasniqin. Së shpejti atij do t’i krijohet mundësia të sfidojë në ring kampionin aktual të këtij versioni, Rusllan Shagajev, i cili po ashtu është pjesëtar i këtij klubi. Sipas mediave gjermane, të cilat ditët e fundit komentojnë shpesh mundësitë që i hapen boksierit Luan Krasniqi, ky i fundit, përveçse një boksier i afirmuar tashmë në ringun profesionist, ka me vete dhe një pjesë të madhe të tifozërisë, çka e ndihmon atë që t’i jepen shanse sa më të mëdha për t’u ndeshur.
 
Fakti që bindshëm e përkrahin më shumë tifozë se kampioni aktual Rusllan Shagajev është në interes të klubit të dy boksierëve, që e sheh ndeshjen mes të dyve si një duel me mjaft leverdi. Madje në intervistat e tyre dhe shumë personalitete të boksit në Gjermani janë shprehur se “Luan Krasniqi ka tifozët më të flaktë në botë, ata krijojnë atmosfera madhështore kur Luani bokson”. Por mediat shkruajnë se deri në mesin e vitit 2008 menaxherët e tij do të gjejnë patjetër një boksier të rangut të tij për të zhvilluar duelin. Mundësitë që diskutohen dhe analizohen për të janë të shumta. Para disa kohësh, klubi i tij deklaroi se për Luan Krasniqin do të kërkohet një nga 5 boksierët më të mirë në versionin WBO. U përfol shumë një përballje me kampionin botëror të versionit WBO, rusin Sultan Ibragimov, si dhe me sfiduesin e parë, amerikanin Tony Thompson, por ky version ra poshtë që në fillim. Në “Porsche Arena” të Shtutgartit kërkimet për rivalin e Krasniqit nisën që kur Aleksandër Dimitrenko anuloi duelin e parashikuar më 8 mars. Por së fundi duket se Krasniqi do të synojë titullin e botës në një tjetër version, atë të WBA-së.

“EULEX” do të shtrihet edhe në Veri të Kosovës

Përfaqësuesi Special i Bashkimit Evropian (BE) në Kosovë, Pieter Feith, takime në Prishtinë

Përfaqësuesi Special i Bashkimit Evropian (BE) në Kosovë, Pieter Feith, tha dje në Prishtinë se komuniteti serb duhet ta ketë të qartë që Misioni i ri nuk është kërcënim për ta, por do të garantojë respektimin e të drejtave të të gjithë qytetarëve të Kosovës. Këtë deklaratë ai e bëri pas një takimi që kishte me kryetarin e Republikës së Kosovës, Fatmir Sejdiu. “Unë do të jem këtu për të ndihmuar dhe këshilluar Qeverinë e Kosovës, për të marrë vendimet e domosdoshme për zbatimin e planit gjithëpërfshirës të Ahtisaari-t. Ne do t’i kushtojmë një rëndësi të madhe respektimit të të drejtave dhe lirive për të gjitha minoritetet dhe qytetarët këtu në Kosovë, duke përfshirë edhe atë serbë”,- tha ai. Ai tha se në bashkëpunim me ekzekutivin e vendit, do t’i dërgojnë sinjale serbëve të cilët janë duke jetuar në Kosovë, se vendi i tyre është këtu dhe se ata janë të mirëpritur të punojnë, me të gjithë qytetarët tjerë, për të ardhmen e Kosovës.

Sipas tij, qëllimi i BE-së është që të vendosë misionet e veta dhe kjo përfshin edhe misionin për sundim të ligjit, të përbërë nga policë, gjykatës, prokurorë, Misionin e BE-së për Politika të Sigurisë dhe Mbrojtjes, në gjithë territorin e Kosovës dhe kjo nënkupton edhe pjesën veriore të Kosovës. “Unë tani jam duke sjellë në Kosovë personelin e misionit tim, respektivisht atë të Përfaqësuesit Special të Bashkimit Evropian dhe jemi në ndërtim e sipër të Zyrës Civile Ndërkombëtare”,- tha ai. Ai deklaroi më tej se gjenerali Yves de Kermabon do të jetë udhëheqës i misionit për sundimin e Ligjit, i cili do të fillojë të arrijë në Kosovë në javët në vijim. “Do të ketë një periudhë tranzicioni prej katër muajsh, gjatë së cilës periudhë BE-ja dhe NATO, do të jenë nën një kontroll operacional. Ne të gjithë jemi duke punuar me Rezolutën e Kombeve të Bashkuara 1244 dhe mendoj se ajo paraqet një bazë solide për vendosjen e misionit të BE-së në Kosovë”,- tha ai. Feith shpjegoi se puna e tyre do të jetë e dobishme edhe për komunitetin serb. “Ne nuk do të tërhiqemi nga Veriu i Kosovës, por kjo është një pikë në të cilën ne duhet ende të punojmë, t’i afrohemi komunitetit serb këtu, por natyrisht ne jemi në kontakt të afërt edhe me Beogradin”,- tha ai, duke shtuar se nuk duhet harruar se veriu mbetet kusht për Serbinë, që të lëvizë drejt BE-së. Ndërsa, kryetari i vendit, Fatmir Sejdiu tha se Pieter Feith është një personalitet që e njohin edhe më herët me angazhimet e tij të jashtëzakonshme rreth këtyre proceseve që ka kaluar vendi ynë. “Feith e njeh mirë Kosovën dhe gjithë qasjen që ne kemi pasur. Është njeri i eksperiencës së madhe në mandate ndërkombëtare”,- tha ai.

Ai tha se misioni i ri në Kosovë “EULEX”, është ai që kanë menduar institucionet e Kosovës, që ky mision do të jetë ndihmës i madh i drejtpërdrejt për Kosovën, për të kapërcyer sa më shpejt periudhën e tranzicionit që do të ketë vendi, të prezencës civile ndërkombëtare dhe për të bërë hapat më të mirë të mundshëm edhe për integrimet, por edhe për jetë më të mirë të qytetarëve. Ndërsa, sa i përket incidenteve të fundit të Mitrovicë, Sejdiu tha se është evidente se ka pasur ndonjë incident të natyrës së tillë, por po ashtu është shumë e qartë se në mandatin e trupave të KFOR-it dhe të misionit ndërkombëtar është bërë një punë në mënyrën më të mirë të mundshme. “Në kohën e duhur do të aplikojmë për anëtarësimin e Kosovës në organizatat ndërkombëtare të OKB-së”,- tha Sejdiu.

MASH ka urdhëruar që Pavarësia e Kosovës të pasqyrohet në tekstet shkollore të Historisë e Gjeografisë

Pavarësia e Kosovës, ndryshojnë tekstet shkollore

Shpallja e Republikës së Kosovës si shtet sovran e i pavarur do të pasqyrohet në tekstet shkollore në vendin tonë, për vitin akademik 2008-2009. Ky është urdhri i posaçëm i ministrit të Arsimit e Shkencës, Genc Pollo, sipas të cilit, në lëndën e Historisë është e nevojshme që ngjarjet të shtrihen deri në datën 17 shkurt 2008, përfshi dhe Pavarësinë e Kosovës. Sipas udhëzimit të MASH-it ky akt historik do të pasqyrohen në programin e Historisë së Klasës së 8-të, 9-të në arsimin bazë dhe Historisë të Vitit të 3-të dhe 4-të në shkollat e mesme. Ndërsa në lëndën e Gjeografisë, po sipas këtij udhëzimi, ndryshimet do të bëhen pikërisht për tekstin e Klasës 7-të e 9-të në arsimin bazë dhe Gjeografia e vitit të 4-të të shkollës së mesme. “Në porosinë për librat e reja të Historisë e Gjeografisë të vitit shkollor 2008-2009 (Altertekst 200 kusht për certifikim do të jetë pasqyrimi i kësaj ngjarje me rëndësi madhore për Kosovën, Shqipërinë, Evropën dhe botën”,- bëhet e ditur në udhëzimin e MASH-it duke u shtuar se për këtë botuesit do të marrin nga BOMIT udhëzime për ndryshimet përkatëse në programet lëndore. Në këtë mënyrë, Pavarësia e Kosovës do skalitet tashmë në histori. Shteti më i ri i botës, popullsia 2 126 708 banorë, 92% shqiptarë e të tjera karakteristika do të pasqyrohen në tekstet e gjeografisë dhe të historisë së vendit tonë. Kosova, e njohur për arin e saj në minierën e Trepçes në qytetin e Mitrovicës, e njohur për pjesën dërrmuese të popullsisë së saj me moshë relativisht të re, për fushat më pjellore në Ballkan, Fushë Kosovën dhe Rrafshin e Dukagjinit, nuk do t’i atribuohet më një shteti të huaj, as ish-Jugosllavisë, dhe as Serbisë. Këto karakteristika të lakmuara dhe kjo perspektivë ekonomike do t’i atribuohet vetë shtetit Kosovar, sovran dhe i pavarur.

QSUT, për herë të parë operacion i rrallë për epilepsinë

Mentor Petrela   Sipas shefit të Neurokirurgjisë, Petrela, kanë realizuar operacion tepër të rrallë në tru me anë të sondës milimetrike Ndërhyrje tepër e rrallë kirurgjikale në trurin e një pacienti që vuante nga sëmundja e epilepsisë, është realizuar për herë të parë në shërbimin e Neurokirurgjisë në Qendrën Spitalore Universitare “Nënë Tereza”. Kështu, shefi i këtij shërbimi deklaroi dje se mjekët shqiptarë dhe ata italianë kanë realizuar me sukses operacionin në tru, duke përdorur sondën milimetrike. Sipas tij pacienti mbi të cilin është kryer ndërhyrja kirurgjikale është nga Kosova dhe aktualisht është mirë. “Ndërhyrja u realizua me sukses dhe pacienti nga Kosova është në gjendja të mirë shëndetësore”, pohon Petrela. Më tej profesori pohon se pacienti është diagnostikuar në Itali, falë teknologjisë dhe aparaturave bashkëkohore. Ai tregoi se ndërhyrjet miniinvazive me pajisjen e Kaskës Stereotaksike dhe aparatin e radiofrekuencës Radionics, bëjnë të mundur trajtimin e sëmundjeve të trurit, duke shfrytëzuar një sondë të graduar milimetrike. Kjo metodologji e rëndësishme shërben për kurimin e disa sëmundjeve neurologjike, për të cilat efekti i medikamenteve nuk është gjithmonë rezultativ.”Pikërisht me këtë metodë, ne do të nisim kurimin e rreth 10 përqind të pacientëve që vuajnë nga sëmundja e epilepsisë”, deklaroi Petrela, sipas të cilit, nga kjo sëmundje në vendin tonë vuajnë rreth 30 mijë persona. Bashkëpunimi midis Shërbimit të Neurokirurgjisë dhe Institutit Kombëtar Neurologjik “Karlo Besta” në Milano nisi në vitin 1996 ndërmjet Drejtorit të këtij Instituti, Prof. Xhovani Broxhi dhe Prof.Mentor Petrelës, i cili bëri të mundur shkëmbime leksionesh e operacionesh në Tiranë dhe Milano. Shërbimi i neurokirurgjisë kryen mbi 1100 ndërhyrje në vit, me të sëmurë shqiptarë e të huaj nga Maqedonia, Kosova dhe Mali i Zi.

Fotot e festës së Kosovës nga “Time Square” në Nju Jork

Nga festimet e shqiptarëve të Nju Jorkut në 17 Shkurt. Fotot janë dërguar në redaksi nga lexuesi Pierre-Pandeli Simsia Sheshi i famshëm “Time Square” në zemër të Manhattanit në Nju Jork, sheshi ku festohen madhërishëm ndërrimet e viteve, në Kryeqytetin e Botës dhe fjalës së lirë, mesditën e 17 Shkurtit 2008 u bë sheshi i shqiptarëve. Donte edhe dy orë që mesdita të vinte në Nju Jork. Makina të shumta të drejtuara nga shqiptarë të “veshur” me flamuj amerikanë dhe shqiptarë lëviznin duke i rënë kryq e tërthor “Time Squere”-s, duke lajmëruar Festën e madhe të Pavarësisë së Kosovës. Bashkëkombës të shumtë nga të gjitha trojet shqiptare me banim në Nju Jork dhe shtetet përreth, vinin drejt sheshit të madh grupe-grupe, fytyrëqeshur e të gëzuar. Shumë kishin veshur kostume kombëtare shqiptare. U mblodhëm ne të gjithë në atë shesh, për të ndarë midis nesh gëzimin tonë. Fytyra të qeshura, lot gëzimi që shkisnin faqeve shihje tek të gjithë. Shpirtrat e atyre që dhanë jetën për këtë ditë të shumë ëndërruar, tani prehen të qetë në tokë të lirë e të pavarur. Gëzimit të festës së madhe të Lirisë së Kosovës në “Time Square”, iu bashkuan edhe qindra banorë njujorkezë dhe turistë të shumtë të huaj të ndodhur në sheshin gjigant. Në një minishesh të improvizuar, djem dhe vajza vallëzonin vallen e fitores. Një e papritur e këndshme dhe rastësore, ishte edhe kur pranë nesh kaloi një makinë njujorkeze e Ndihmës së Shpejtë; shoqëruesja e ulur në krah të shoferit, nxjerr gjysmën e trupit nga xhami i hapur i makinës dhe me megafon në dorë thërret: “Kosova Indipendent! Kosova! Kosova!”…Allbenia!… Thirrjet e saj u shoqëruan me brohoritje, duartrokitje dhe përshëndetje me duar nga të gjithë ne bashkatdhetarët. Nuk donim të largoheshim nga Sheshi Gjigand “Time Square”. Urimi që del nga zemra e çdo bashkëkombësi në këtë ditë të shenjtë, është: Ta gëzojmë të gjithë së bashku Kosovën e lirë dhe të Pavarur! Faleminderit SHBA, Bashkimi Evropian dhe të gjithë shtetet që përkrahën Pavarësinë e Kosovës! Faleminderit të Madhit Zot!

Protestues serbë sulmojnë 2 pika kufitare

Policia e Kosovës kërkoi sot ndihmën e trupave paqeruajtëse të NATO-s pasi serbët që kundërshtojnë shpalljen e pavarësisë sëKosovës dogjën një pikë kalimi kufitar dhe sulmuan një tjetër.Policia e Kosovës u strehua në një tunelpranë një postë kufiri pranë Zubin Potokut në veri të Kosovë, e dominuarnga serbët, kur rreth një mijë protestues i sulmuan ata.

“Ne i kërkuam NATO-s të dërgojnë një helikopter për të evakuuar oficerët tanë”, tha një burim i policisë.

Forca paqeruajtëse e NATO-s në këtë zonë përbehet nga njësi tëtrupave franceze, belge, daneze dhe amerikane.

Feith: Kosova nuk është protektorat evropian

Përfaqësuesi i Bashkimit Evropian në Kosovë hap zyrën në Prishtinë Përfaqësuesi i Bashkimit Evropian në Kosovë, Pieter Feith, hapi zyrën e tij në Prishtinë duke u kërkuar serbëve që të mos frikësohen nga BE-ja. Duke folur tre ditë pas shpalljes së pavarësisë së Kosovës, zoti Feith tha se BE-ja do t’i dislokonte 2000 zyrtarët e policisë dhe gjyqësorit në mbarë Kosovën, përfshirë edhe në veriun e dominuar nga serbët. Por ai shtoi se do të ishte e gabuar të sugjerohej se Kosova do të bëhej protektorat i BE-së: “Po ndodh një transferim i autoritetit që do të jetë nga OKB-ja në qeverinë e Kosovës. Nuk është një transferim nga OKB-ja tek BE-ja, sepse jemi në një pozitë të ndryshme këtu.” “Ne nuk do të vazhdojmë administrimin e Kosovës. Është qeveria ajo që do të marrë përgjegjësitë dhe ne jemi këtu si këshilltar të afërt të qeverisë me përgjegjësinë e caktuar të zbatimit të zgjidhjes së gjithanshme”, tha përfaqësuesi i BE-së. Zoti Feith e cilësoi ekonominë e Kosovës si një prej çështjeve kryesore, me të cilën duhej të merrej BE-ja. “Unë mendoj se me forcimin e sigurisë për të gjithë shtetasit, përfshirë edhe komunitetin serb, ekonomia, krijimi i vendeve të punës, rritja, investimet janë ato që do t’i bëjnë njerëzit të qëndrojnë ku janë dhe të ndihen më pranë institucioneve evropiane, të cilave u përkasin”, tha Pieter Feith. Deklarata e Jung Gjermania mbështet krijimin e Forcës Mbrojtëse të Kosovës Ministri i Mbrojtjes së Gjermanisë, Franz Josef Jung, solli dje në Prishtinë vendimin për njohjen e pavarësisë së Kosovës, garancitë për mbrojtjen e tërësisë territoriale të Kosovës dhe mbështetjen që Gjermania do të japë për themelimin e Forcës Mbrojtëse të Kosovës. Kjo u bë e ditur gjatë një takimi që ministri i Mbrojtjes i Gjermanisë pati me kryetarin e Kosovës, Fatmir Sejdiu. “Kam përgëzuar presidentin për shpalljen e pavarësisë, për vendin e pavarur tani dhe kemi biseduar për bashkëpunimin në të ardhmen mes dy shteteve. E përshëndes shumë qasjen që ka presidenti ndaj Planit Ahtisaari. E dimë të gjithë se ne të gjithë kemi dashur që ky plan të realizohet dhe Kosova e ka realizuar këtë plan. E përshëndes edhe qasjen e institucioneve ndaj minoriteteve”, tha Jung. Ai siguroi mbështetje Kosovës në të ardhmen me misionin e BE-së dhe ushtarët e NATO-s, dhe duke pasur parasysh ngjarjet e ditëve të kaluara, ai tha se tashmë kuptohet Kosova ka nevojë për KFOR-in. Ndërsa, kryetari i Kosovës Fatmir Sejdiu u shpreh se e ka siguruar ministrin edhe një herë për qëndrimin shumë të qartë dhe të pa dilemë që Kosova do të jetë vend i të gjithë qytetarëve, si shtet i pavarur dhe sovran. “Do të pranojmë dhe kultivojmë vlerat më të larta demokratike dhe që do të ketë kujdes ndaj të gjithë qytetarëve të saj, pra edhe komuniteteve pakicë. Por, siç e dini edhe zotimin për zbatimin e projektit të Ahtisaari-t, një projekt që realisht e ka mbështetjen ndërkombëtare”, tha Sejdiu. Ngjarjet që ndodhën në veriun e Kosovës, kryetari Sejdiu i quajti “qasje separatiste” dhe “incidente të izoluara”. Përfaqësimi Turqia kërkon lokacion për ndërtimin e ambasadës në Prishtinë Ambasadori i Republikës së Turqisë në Prishtinë, Mustafa Sarnic, kërkoi dje nga komuna e Prishtinës që të caktojë një lokacion për ndërtimin e Ambasadës së Turqisë në kryeqytet, ndërkohë që ka ofruar gatishmërinë e vendit të tij për ndërtimin e kompleksi universitar dhe një spitali në kryeqytet. Gjatë një takimi me kryetarin e komunës së Prishtinë, Isa Mustafa, ambasadori turk tha se vendi i tij është duke shikuar për gjetjen e një lokacioni të përshtatshëm për vendosjen e ambasadës së Kosovës në Ankara. Ambasadori Sarnic, theksoi se vendi i tij tashmë ka ndarë mjetet për ndërtimin e kompleksit universitar të Universitetit Teknik të Evropës Juglindore, si dhe për ndërtimin e Ambasadës së re, prandaj sipas tij, nevojitet bashkëpunim për caktimin e lokacioneve për ndërtimin e këtyre projekteve të domosdoshme. Sarnic tha se edhe Turqia është duke i shqyrtuar disa lokacione në kryeqytetin e tij, të cilat do t’i vinte në funksion të ndërtimit të ambasadës së Republikës së Kosovës në Ankara. Ndërsa, kryetari i Prishtinës, Isa Mustafa, duke falënderuar shtetin turk për njohjen e Kosovës si shtet të pavarur dhe sovran, theksoi nevojën e rritjes se bashkëpunimit dhe komunikimit të dyanshëm, në mënyrë që brenda një periudhe të shkurtër të gjenden zgjidhje për lokacionet për ndërtimin e ndërtesës se re të ambasadës, kompleksit universitar dhe një spitali në qytetin e Prishtinës. “Ju falënderoj në emër të qytetarëve të kryeqytetit, për njohjen e shpejt të shtetit të Kosovës nga ana e Republikës se Turqisë. Ky gjest thellon edhe më tutje besimin e popullit të Republikës se Kosovës ndaj Republikës së Turqisë”, është shprehur Mustafa. Në lidhje me kërkesën për gjetjen e lokacionit, për ndërtimin e Ambasadës turke në Prishtinë, Mustafa theksoi se komuna që ai drejton është duke punuar për zgjidhjen afatgjate të lokacioneve për ambasadat që do të hapen në Republikën e Kosovës, përfshirë këtu lokacionin për ambasadën e Republikës se Turqisë, ndërsa theksoi se lokacionet për ambasadat pritet të jenë në “Prishtinën e Re” në lagjen Hajvalia. Ai informoi ambasadorin turk se Drejtoria e Shëndetësisë të Komunës së Prishtinës në bashkëpunim më Ministrinë e Shëndetësisë është duke punuar në hartimin e projektit të ndërtimit të spitalit të qytetit.

U.S. outrage as Serb protesters burn embassy

BELGRADE (Reuters) - Serb protesters ransacked and set fire to the U.S. embassy in Belgrade on Thursday, venting anger at U.S. support for Kosovo’s declaration of independence.

A charred body was later found inside, but all American personnel had been accounted for and nothing suggested it was an embassy employee, U.S. officials said.

Riot police — nowhere to be seen when the attack began — eventually moved in to disperse the rampaging protesters but Washington was furious.

At U.S. request, the U.N. Security Council condemned “mob attacks” on the embassy in Belgrade.

U.S. Undersecretary of State Nicholas Burns called Serbian Prime Minister Vojislav Kostunica and Foreign Minister Vuk Jeremic to protest at the lack of security.

“The message was very clear, that the situation was intolerable, that they needed to act immediately to provide adequate security,” a State Department spokesman said.

Kostunica, who had earlier addressed a state-backed rally by some 200,000 Serbs against Kosovo’s secession, had promised it would not happen again.

There were lesser attacks on other diplomatic missions, but none was entered. Germany said its embassy was attacked, Croatia protested over damage and local agencies said missions of Britain, Turkey and Bosnia were also hit